Les paroles de la chanson
« Per a mio terra »
L'Arcusgi

Corre digià in la mio mente
Trè parullucce fatte sumente
Chì sbucceranu nant’à l’avvene
E stanceranu tutte le pene.


Lingua cultura è libertà
per a mio terra per a mio terra
Lingua cultura è libertà
Per a mio terra vogliu sperà.


Campa digià in lu mio core
L’amore schjettu chì à tutt’ore
Mi sussureghja quind’è quallà
Veni incù mè t’invitu à cantà.

Lingua cultura è libertà
per a mio terra per a mio terra
Lingua cultura è libertà
Per a mio terra vogliu sperà.


Scrivu digià nant’un fogliu biancu
’ssè trè parolle fianc’à fiancu
Chì chjamanu à la riscossa
L’anima fiera l’anima corsa.

Lingua cultura è libertà
per a mio terra per a mio terra
Lingua cultura è libertà
Per a mio terra vogliu sperà.

Lingua cultura è libertà
per a mio terra per a mio terra
Lingua cultura è libertà
Per a mio terra vogliu sperà.